OBRANAN DI PACHECO DOMACASSE TABATA TIN TINTA BONERIANO

OBRANAN DI PACHECO DOMACASSE TABATA TIN TINTA BONERIANO

Gobièrnu di Boneiru resientemente a tuma nota di fayesimentu, sr. Pacheco Domacasse, un baluarte di Kultura.

Gobièrnu di Boneiru resientemente a tuma nota di fayesimentu, sr. Pacheco Domacasse, un baluarte di Kultura. Pacheco a nase na Boneiru. Apesar di e echo ku Pacheco a pasa mayor parti di su bida na hermana isla Kòrsou, semper e tabata orguyoso di ta boneriano. Mayoria di su obranan tabatin un tinta boneriano. Pacheco a produsí obranan teatral basá riba e bida boneriano. Por menshoná un dokumental titulá ‘Boneriano, hòmber di laman, kua nòmber ta papia pa su mes. Ta trata aki di un dokumental ku a traha aki na Boneiru, den kua ta ilustrá klaramente kuantu apresio Pacheco tabatin pa su Isla natal. Mas aleu den aktividatnan di seú na Kòrsou, Pacheco a inkluí tambe e simadan di Boneiru. Gobièrnu di Boneiru, pa medio di su departamento di kultura ta ekstendé palabranan di kondolensia na famianan. Pacheco lo keda semper den nos memoria komo un pilá fuerte di kultura. Ku bon Dios duna Pacheco un lugá spesial den Su Reino.

Share this page to Telegram

This site uses Akismet to reduce spam. Learn how your comment data is processed.

%d bloggers like this: