Homber detené pa maltrato.
KOMUNIKADO DI PRENSA 182/2022
5 di aprel 2022
Homber detené pa maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 5 di aprel 2022 alrededor di 12.45’or, Polis a risibí informashon di un kaso di
maltrato ku a tuma lugá riba Schouwburgweg.
E unidat polisial ku yega na e sitio a topa ku un hòmber ku un kap na altura di su kabes i
tabata sangra bastante.
For di investigashon ku polis a hasi na e sitio a resultá ku un ratu promé tabatin un
diskushon entre dos hòmber pa motibu ku un di e hòmbernan aki no tabata di akuerdo ku
un montante ku a kobr’é pa un trabou hasí.
Durante di e diskushon e hòmber sospechoso a maltrata e víktima aki ku un pida heru.
Na e sitio polis a detené e hòmber sospechoso S.J.O.G., nase na Kòrsou di 32 aña di edat
pa e maltrato ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.