( 7 di aprel 2022) djamars 12 di aprel 2022 Charla grátis riba KOLESTERÒL HALTU na Sentro di Bario Souax

 

( 7 di aprel 2022) djamars 12 di aprel 2022 Charla grátis riba KOLESTERÒL HALTU na Sentro di Bario Souax

Fundashon Pro Souax, Sentro di bario Souax i Sentro Médiko Souax ta anunsiá ku e siklo di charla mensual na enkargo di Dr. Octavio Oliva, dòkter di kas pa bario di Souax ta kuminsá bèk  djamars 12 di aprel próksimo. Riba e fecha aki Dr. Oliva ta trata e tópiko: KOLESTERÒL HALTU. Un i tur ta keda invitá pa bin tende Dr. Oliva splika kiko ta kolesteròl; ki ora nos ta papia di kolesteròl haltu; kon kolesteròl haltu por afektá bo salú i kiko bo por hasi pa tene bo nivel di kolesteròl bou di kontròl. Tambe Dr. Oliva lo amplia riba kousa, síntoma i tratamentu di kolesteròl haltu.
E charla ku ta tuma lugá na Sentro di Bario Souax ta di shet’or pa mitar di nuebe di anochi i entrada ta grátis. Lo tin amplio oportunidat pa hasi pregunta.
Fundashon Pro Souax ke animá tur habitante di bario di Souax, Zegu, Ser’i Kandela, Gato i bisindario pero tambe otro interesadonan pa asistí na otro charla interesante riba bo salú i kon kuida bo salú. `

 

Charla riba tópiko di salú públiko

Tópiko   : KOLESTERÒL HALTU

                                 Oradó   : Dr. Octavio Oliva; dòkter di kas pa bario di Souax

Dia       : Djamars 12 di aprel 2022

Ora       : Shet’or pa mitar di nuebe di anochi  (19.00 – 20.30)                               

Lugá     : Sentro di bario Souax

Entrada : GRÁTIS

Share this page to Telegram

This site uses Akismet to reduce spam. Learn how your comment data is processed.

%d bloggers like this: