Kaso di hogamentu.

KOMUNIKADO DI PRENSA 185/2022
7 di aprel 2022
Kaso di hogamentu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaweps 7 di aprel 2022 alrededor di 14.03’or, Sentral di Polis a risibí informashon tokante
di un kaso di hogamentu ku a tuma lugá na Directeursbaai.
For di investigashon preliminar a sali na kla ku tres (3) amigu di nashonalidat merikano a bai
sambuyá na e playa ariba menshoná.
Na dado momentu a pèrde un di nan for di bista i a kuminsá puntra deskonosínan si talbes
por a mira e hòmber aki.
Na e momentu ei a mustra nan un hòmber barika abou den awa, keriendo ku e tabata
sambuyando.
Na momentu ku a aserka e persona aki, a ripará ku e no tabata duna señal di bida i a tres’é
kantu.
Ambulans ku a presentá na e sítio no por a hasi nada pa e hòmber aki.
Dòkter di polis a konstatá morto di e víktima aki ku ainda no a keda identifiká.
Riba òrdu di fiskal di Ministerio Públiko a konfiská e kurpa sin bida pa mas investigashon