MINISTERIO PUBLIKO TA INFORMA Awe Korte a trata un kaso di butamentu di “fever” den Punda.

Info OM:
Awe Korte a trata un kaso di butamentu di “fever” den Punda. 

Tabata dia 16 di yüni 2016 ku polis a para un outomobilista ku a buta “fever” dilanti entrada di brug Emma. 

Ministerio Publiko (OM) Korsou a akusá e homber di kore peligroso i kore bou di influensia di alkohol. 

Fiskal a hasi un demanda di but 1.250 florin pa buta “fever” i 1.250 florin pa kore bou di influensia di alkohol. Wes a sentensia e homber konforme e demanda di OM.

E homber a haña vrijspraak pa kore sin un reibeweis balido.