PROMÉ MINISTER GILMAR PISAS A SERA KONOSÍ KU KÒNSÙL GENERAL DI MERKA SRA. MARGARETH BOND

PROMÉ MINISTER GILMAR PISAS A SERA KONOSÍ KU KÒNSÙL GENERAL DI MERKA SRA. MARGARETH BOND

 

Willemstad – Promé Minister Gilmar Pisas a sera konosí ku Kònsùl General di Merka sra. Margareth Bond dia 19 aprel 2022.

 

Durante di e bishita a elaborá riba diferente punto di interes komun den e kuadro di fortifikashon di e bon relashon bilateral entre Merka i Kòrsou.

Algun punto ku a resaltá mas tabata e asuntu di e desaroyonan  rondo di e edifisio nobo di e Konsulado, trafikashon di hende i e sosten dor di Konsulado pa kordiná huntu ku Ministerio di Hustisia trainingnan ku ta nesesario riba e asuntu aki. 

 

Alabes a interkambia i lo eksplorá hunto Ministerio di Edukashon e posibilidatnan pa studiantenan lokal ku ke studia na universidatnan na Merkia por bini na remarke pa sierto benefisionan ku ta konta pa studiantenan merikano.

 

Tantu e Konsulado komo Gobièrnu di Kòrsou tin e deseo pa por kompartí progresonan positivo i alabes mantené e bon relashon di trabou ku otro.

 

E kombersashon a bai den un ambiente hopi positivo.