KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIANOTISIA POLISIAL

7 polis di KPC a risibí diploma di estudio Básiko di Polis na ORV

7 polis di KPC a risibí diploma di estudio Básiko di Polis na ORV
WILLEMSTAD – Djaluna 25 di aprel 2022 tabatin entrega di diploma na 7 Polis di Kuerpo Polisial Kòrsou (KPC) ku resientemente a terminá estudio Básiko di Polis (Basis Politie Opleiding) ku éksito. Ta trata aki di polisnan di e klas BPO 2019-II ku a start ku e opleiding BPO na ougùstùs 2019. Durante e seremonia ku a tuma lugá na ORV, direktor di ORV sra.Falbru i miembro di MT di Kuerpo Polisial Kòrsou sr. Jules Ilario a hiba palabra. Representante Minister di Hustisia, sr. Charles Cooper tambe a hasi akto di presensia na e seremonia i dirigí palabra na e hóbennan ku a slag i presentenan. Guiadó di klas ta sra. Anette Cannegieter.
Agente Abdallah Kathib Raad di e klas aki (BPO 2019-II) a slag ku mihó puntuashon. Esnan ku a risibí diploma ta Abdallah Kathib Raad, Jaim Calmera, Michelangelo Dap, Rolangelo Kuwas, sra. Sussette Moerman-Lourens,sra. Arjaantje Obispo i Quensly Thomas. E agentenan polisial menshoná a risibí nan diploma di BPO huntu ku diplomanan di entre otro Landamentu, EHBO, IBT-Paspoort i otro diploma i sertifikadonan den presensia di hefenan polisial, nan guiadónan (mentor), dosente i personal di ORV i naturalmente nan famia.
BPO nivel SBO 3
E klas aki ta e di 4 klas ku a haña e estudio Basis Politie Opleiding na nivel (SBO 3) adaptá na e sistema nobo di funshoná di Kuerpo Polisial Kòrsou. A yega na e nivel di opleiding aki despues di un estudio intensivo ku ORV a hasi huntu ku Kuerpo Polisial Kòrsou den kuadro di Competentie Gericht Onderwijs i reorganisashon di Kuerpo Polisial Kòrsou. Ta kombiná e konosementu, abilidat, aktitut i karakteristikanan di loke e Polis mester pa funshoná mihó den e kuerpo moderno, e kuerpo Polisial Kòrsou reorganisá (Nobo) i naturalmente pa un mihó servisio na komunidat. E klas aki ta konsistí di studiantenan ku ya a haña opleiding polisial den pasado den entre tro klasnan di Intake & Services, Recherche Assistent, Opleiding Grensbewaking i Basis Douane Opleiding.
Den e opleiding tin varios materia, espeshalmente di abilidatnan práktiko. Por ehèmpel, materianan manera, “Verlenen van Noodhulp, Registreren en Rapporteren, Surveilleren, Toepassen en uitvoering van Eenvoudige opsporingstaken, Ondersteunen en Handhaven, Toezicht Houden , Controleren, Verbaliserend Optreden, Sociologie, Topografische Kennis, Omgaan met Publiek, Psychologie, ets.

Leave a Reply

This site uses Akismet to reduce spam. Learn how your comment data is processed.