KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

DIA 2 DI MEI TA UN DIA LIBER EN KONEKSHON KU DIA DI OBRERO 2022

MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO

 

DIA 2 DI MEI TA UN DIA LIBER EN KONEKSHON KU DIA DI OBRERO 2022

PUBLIKÁ RIBA 26 APREL 2022

WILLEMSTAD – Minister di Gobernashon, Planifikashon i Servisio Públiko, sr. Ornelio ‘Kid’ Martina, ke rekordá pueblo di Kòrsou ku den e prókismo 7 dianan tin 2 dia liber, esta riba 27 di aprel i tambe gobièrnu ta duna un dia liber èkstra riba 2 di mei en konekshon ku dia di obrero 2022.

E dia liber èkstra akí ta debí ku Dia di Obrero lo ta riba djadumingu 1 di mei 2022, kual ta trese kuné ku lo duna liber djaluna 2 di mei 2022 tambe. E dia liber èkstra ta reglá den ‘Arbeidsregeling’ i ta konta pa henter pais. Artíkulo 23, insiso 2 di ‘Arbeidsregeling’ ta bisa ku Dia di Obrero tur aña ta keda selebrá riba 1 di mei, ku ekspeshon si e fecha kai por ehèmpel riba un djadumingu. Si ta asina, ta konmemorá Dia di Obrero e próksimo dia.

Minister Martina ta deseá henter pueblo di Kòrsou dushi dia di fiesta riba 27 di aprel (dia di Rei) i un dia di reflekshon riba 2 di mei (dia di Obrero). Ta pidi pa bai trankil den tráfiko i kòrda kuida.

639114718427035"
639114718427035"