Minister Ruisandro Cijntje E siman aki mi ta komo invitado di Curaçao Ports Authority na Seatrade Cruise Global na Miami. Seatrade
Minister Ruisandro Cijntje
E siman aki mi ta komo invitado di Curaçao Ports Authority na Seatrade Cruise Global na Miami. Seatrade Cruise Global ta un evento grandi kaminda ta stimulá e industria, stimulá inovashon, fortalesé relashonnan i sigur generá oportunidatnan komersial den e indutsria. Mas ku 100 pais rònt mundu ta partisipá na e aktividat aki. Banda di e mas ku 500 eksposishonnan ku tin durante di e aktividatnan aki, tin diferente sekshon ku oradornan ku tópikonan hopi intresante. Pero mi no a bin solamente pa partisipá na e aktividatnan, mi a probechá tambe pa reuní ku algun liña krusero. Un reunion bastante intresante tabata ku Carnival Corporation. Den e reunion aki mi a sera konosí ku señor David Candib ku ta e vise presidente di desaroyo i operashon di Carnival Corperation & PLC i señoranan Marie McKenzie i Charlene Drakes tambe di Carnival Corporation.
Nos a papia riba diferente temanan di interes. Un punto ku sigur mi ta hopi interesá den dje ta e oportunidat pa nos yunan di Kòrsou traha abordo di kruseronan. I esei tabata un di mi pregunta dirigí na e delegashon di Carnival Corperation. Mi ta super kontentu ku nan a indiká ku e oportunidat pa empleá yunan di Kòrsou ta posibel.