POR BIAHA KU SÉDULA ENTRE ISLANAN HULANDES KARIBEÑO ENTRANTE 1 DI MEI 2022
MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO
POR BIAHA KU SÉDULA ENTRE ISLANAN HULANDES KARIBEÑO ENTRANTE 1 DI MEI 2022
PUBLIKÁ RIBA 30 APREL 2022
WILLEMSTAD – Entrante promé di mei 2022 siudadanonan di Kòrsou ku nashonalidat hulandes por kuminsá biaha ku nan sédula entre Kòrsou ku Boneiru, Saba, St. Eustatius i St. Maarten. No por biaha ainda pa Aruba ku e sédula.
Minister Martina a introdusí sédula nobo di Kòrsou na 2021. A trese kambionan manera por ehèmpel e eskudo di Antias Hulandes, ku awor a bira esun di Kòrsou. Tambe a pone e film holográfiko i a pone un ‘Machine Readable Zone’ na e parti patras di e sédula. Ku e kambionan akí a bira posibel awor pa usa e sédula pa biaha entre e islanan den reino hulandes. E proyekto piloto di usa sédula pa biaha kuné ta entrante promé di mei 2022.
Asin’akí nos a dal un paso mas den desaroyo di nos tarheta di identifikashon.
