KASO LAMENTABEL PAFÓ DI STADION RIGNAAL ‘JEAN’ FRANCISCA!

 

KASO LAMENTABEL PAFÓ DI STADION RIGNAAL ‘JEAN’ FRANCISCA!

 

 

Ayera 4 di mei 2022 durante un partido na Stadion Rignaal ‘Jean’ Francisca a surgi un kaso di tiroteo ku a tuma lugá na e parti pafó di e stadion. Lamentablemente e víktima den e kaso aki a fayese.

FFK ta kontra di tur tipo di akto di violensia i mas ainda den kaso kaminda mester lamentá morto di un persona. Alabes ta duna di konosé ku e kaso aki no tin nada di haber ku e partido di futbòl ku tabata tumando lugá na e momentu ei ni no tin nada di haber ku e deporte i/o organisashon.

FFK ta para pa un ambiente sigur pa nos hungadónan, miembronan di klup, trahadónan, famia i fanátikonan di futbòl ku ta asistí na nos partidonan pa disfrutá di e deporte rei i ta kondená e tipo di aktonan aki.

FFK su mishon ta pa halsa Kòrsou na nivel di ekselensia futbolístiko kaminda kada yu di Kòrsou ta biba pa i ku futbòl, ku respèt pa un i tur.

 

FFK ta deseá forsa na famia i amistatnan di e víktima.

Share this page to Telegram

This site uses Akismet to reduce spam. Learn how your comment data is processed.

%d bloggers like this: