Partido Inovashon Nashonal (PIN) ta felisitá FKP ku inisio di e proyekto di konstrukshon di kas na Tera Korá.

 

Partido Inovashon Nashonal (PIN) ta felisitá FKP ku inisio di e proyekto di konstrukshon di kas na Tera Korá.

 

PIN a tuma nota ku FKP a haña su pèrmit di konstrukshon pa kuminsá traha 72 apartamento na Tera Kòrá. Partido Inovashon Nashonal ta sumamente kontentu ku e logro aki i di e manera’ki ta felisitá FKP ku e proyekto.

 

FKP lo bai konstrui 6 edifisio di 3 piso i kada edifisio lo tin 12 apartamentu. Esaki ta bai nifiká ku 72 famia por yega na un bibienda. Un bon notisia ku ta yuda baha e strès ku tin riba un kantidat grandi di famia ku ta riba lista di espera. Kas pa pueblo ta un nesesidat grandi i hopi famia ta bandonando nos pais pa falta di entre otro kas.

 

Banda di esaki Partido Inovashon Nashonal ke a gradisi minister di VVRP señor Cooper i tambe tur e empleadonan públiko i di FKP ku a traha riba e proyekto.

PIN ta pidi FKP pa sigui ku e manehopa logra mas di e proyektonan pa traha kas.

 

Partido Inovashon Nashonal  ta sostené tur proyekto pa krea mas bibienda ku ta na benefisio di pueblo.