Detenshon pa intento di ladronisia.

KOMUNIKADO DI PRENSA 257 /2022
19 mei 2022
Detenshon pa intento di ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djawebs 19 di mei 2022 alrededor di 09.22’or, Sentral di Polis a risibí informashon di un
kaso di ladronisia na un kas, ku a tuma lugá na Kaya Minado.
Mesora a dirigí unidat na e adrès i na su yegada el a topa un personal di seguridat ku un
hòmber ku el a gara.
For di investigashon di e unidat a sali na kla ku e hòmber aki a lòs kuater bentana di
aluminio ku intenshon di bai ku esakinan.
E unidat di Warda di Polis di Rio Canario, a detené alrededor di 09.50’or, e hòmber
sospechoso C.R.S. di 43 aña di edat nase na Kòrsou pa e intento di ladronisia en kestion.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.