Detenshon pa intento di ladronisia i ta riba tereno sin outorisashon.

KOMUNIKADO DI PRENSA 256/2022
19 mei 2022
Detenshon pa intento di ladronisia i ta riba tereno sin outorisashon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djawebs 19 di mei 2022 alrededor di 10.45’or, Sentral di Polis a risibí informashon ku
habitantenan den área di Dokterstuin tabata persigui un hòmber ku tabata riba tereno di un
kas sin pèrmit di e doño.
Na yegada di e unidat, nan a bin topa algun habitante ku e hòmber ku tabata papa sodá i
tabatin un kantidat di sen kèsh den su saku di karson.
E hòmber sospechoso aki ya pa algun dia tabata kore den un outo pretu vigilando den
diferente kas i posiblemente a kometé kiebro na algun.
Alrededor di 11.00’or, polis di Barber a detené e e hòmber sospechoso M.M.C. di 38 aña di
edat nase na Kòrsou pa intento di ladronisia i ta riba tereno di otro sin pèrmit.
Ta bai investigá awor, unda tur el a kometé kiebro den Banda Bou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.