Ministerio di GMN ta sigui tur desaroyo relashoná ku malesa Monkeypox hopi di aserka

 

Ministerio di GMN ta sigui tur desaroyo relashoná ku malesa Monkeypox hopi di aserka

Willemstad –Ministerio di Salubridat, Medio Ambiente i Naturalesa a tuma nota di desaroyonan riba tereno internashonal rondó di e malesa Monkeypox. Tambe a tuma nota di e prekupashon den komunidat di e último desaroyonan pa loke ta trata Monkeypox.

Ministerio di GMN ta informá ku te na e momentunan aki, no tin motibu pa pániko aki na Kòrsou. Profeshonalnan ta keda monitòr e situashon di Monkeypox en estrecho koperashon ku entidatnan di salú internashonal.

Diferente país a raportá kasonan di Monkeypox i Organisashon Mundial di Salú, tambe ta alertá paisnan pa kasonan di Monkeypox. Aktualmente paisnan Europeo i Estados Unidos ta investigando kon e vírùs a plama i ken ta kai den e grupo di riesgo.