PROMÉ MINISTER GILMAR PISAS A SERA KONOSÍ KU HUES SRA. JOLIEN SCHUKKING

Willemstad – Promé Minister Gilmar Pisas a sera konosí ku sra. Jolien Schukking kende ta hues den e Tribunal Europeo di Derechonan Humano na Strasbourg dia 24 di mei 2022.

 

E bishita tabata unu di sera konosí.

Sra. Schukking a kore stage 31 aña pasa na Kòrsou i ta sinti su mes hopi bon ku e por a bini Kòrsou bèk despues di asina tantu tempu i alabes tuma nota di tur e kambio i desaroyonan ku tin aktualmente na Kòrsou.

 

Durante di e bishita aki Promé Minister sr. Pisas a risibí diferente informashon pa ku kon e Tribunal Europeo di Derechonan Humano ta funshoná.

 

E reunion aki a kana den un hopi bon esfera.