Viktima di e tiroteo na Rotterdam ta Shantienne Frans 

Viktima di e tiroteo ku a tuma lugá na Nassauhaven,  Rotterdam, ta Shantienne Frans, ku ta ruman di Merwin Junny Frans ku a keda asesiná na mei 2020.

Shantienne Frans a risibí varios tiru di bala alrededor di 23.28 dilanti di su kas na Persoonsstraat, Rotterdam. El a logra kore bai Nassauhaven kaminda el a sak den otro. Su agresor a lòs kuater tiru dirigí mas riba dje pa despues drenta un vehikulo shinishi i hui for di e sitio. Algun ratu despues a enkontrá e vehikulo aki na kandela na Feyenoordkade.

Famianan i varios unidat di servisio di emergensia a akudí rapido na e sitio pero no tabata por a hasi nada mas pa Shantienne Frans.

Lamentablemente asesinato di Shantienne Frans no ta e promé perdida pa motibu di asesinato pa e famianan. 

Riba 29 di mei 2020 e famia a eksperensiá pèrdida di Merwin ‘Junny’ Frans (30) ku a keda asesiná pa dos hòmber. Nan a lòs varios tiru hopi serka riba dje dilanti di su kas na momentu ku e tabata kana bai su auto. E zonido di tiru a lanta mama i ruman di Merwin ku a enkontr’e.

Den e kaso aki e dos sospechosonan Michelangelo B. i Anderson B. a keda sentensiá pa 18 i 17 aña den prizòn.  

Durante ku tabata atendé e kaso den korte, Shantienne a keda detené pa motibu ku el a hera di agredí un di e sospechosonan. El a logra habri porta di e parti será den sala di korte i un ofisial di seguridat a logra evitá ku e ta bula riba un di e sospechosonan. 

Den e kaso di asesinato di Shantienne no tin aresto ainda.

This site uses Akismet to reduce spam. Learn how your comment data is processed.

%d bloggers like this: