Aksidente ku morto

KOMUNIKADO DI PRENSA 278/2022
3 yüni 2022
Aksidente ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 03 di yüni 2022 alrededor di 15.30’or Sentral di polis a haña notifikashon ku na un
adrès na Santa Rosaweg dos (2) persona a kai den un pos.
Mesora a dirigí unidat polisial, brantwer i tambe ambulans na e sítio.
Na yegada di polis, a konstatá ku ta trata di un tanta i subrina.
For di investigashon preliminar, polis por a saka afó ku probablemente un menor di edat lo
a bai kue un bestia riba e pos, i na e momentu ei e tapa a kibra i e menor a kai den e pos.
E tanta ku a bai pa yuda e subrina, tambe a resultá den e pos.
Personal di brantwer a logra saka e menor di edat ileso for di e pos, mientras ku e tanta ya
no tabata duna señal di bida.
Dokter di polis ku a presentá na e sítio a konstatá morto di e dama.
Debí ku famianan mester wòrdu poné na altura, te na momentunan aki no por duna
identidat di e víktima liber.