E Bataya di velosidat ta kontinua!
E Bataya di velosidat ta kontinua!
E wikènt benidero dia 4 i 5 di yüni ta bira esenario pa otro evento kayente di drag race aya na pista di Ronde Klip. Djasabra 4 di yüni e bataya den e pointseries di DRAC Nationals ta kontinuá ku Riordon “OZ” Zimmerman den su Pontiac Firebird na kabes ku 170 punto den e kategoria BOX. Den e kategorio NO-BOX, Jareth Davelaar ta komandá den ku Volkswagen Jetta ku 170 punto i pa loke ta trata e vehikulonan riba 2 wil, Jurgen Ravenstein ta lidera e kategoria di STREET ET BIKE ku su Suzuki Hayabusa ku 170 punto.
Djadumingu 5 di yüni Kings of the Street tambe ta sigui den gran forma! Aki vehikulonan di kaya ta kompetí pa wak kua realmente ta e rei di kaya. Entrada pa tantu 4 i 5 di yüni ta kosta fl. 15,- pa adulto i fl. 5,- pa mucha te ku 15 aña. Karchi ta optenibel na STAR Motors i pa mas informashon por sigui e pagina di facebook/instragram: dragracingassociationcuracao of yama numbernan: +599 96748302/+599 95115858.
Drag Racing Association Curacao ta invitá pueblo di Kòrsou engeneral pa asistí masalmente na pista di Ronde Klip wikènt benidero, i kòrda un i tur pa yega trempan. Porta ta habri 5 p.m. i karedanan ta start 6 p.m. en punto!