HASI BO PETISHON DI DEKLARASHON DI BON KONDUKTA (VOG) ADELANTÁ

MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO

 PUBLIKÁ RIBA 02 YÜNI 2022

Willemstad  –  Vergunningenloket (Lokèt di Pèrmit) ta urgi tur studiante i en partikular e studiantenan ku ta bai studia den eksterior, pa hasi petishon di e Deklarashon di Bon Kondukta/Verklaring Omtrent gedrag (VOG), mas tempran posibel.

E dokumento di VOG ta tuma aproksimadamente 6 siman pa bo risibi’é.  E tin un balides di 6 luna.

Pa hasi e petishon e studiante tin mester di:

  • un ID bálido (pasport, reibeweis òf sédula),
  • prueba di pago pa e Deklarashon di Bon Kondukta,
  • un karta di e instituto ku ta eksigí e dokumento aki.

Tur pago mester tuma lugá adelantá:

  • personanan te ku 21 aña ta paga Naf. 12,50
  • personanan for di 22 aña bai ariba ta paga Naf. 25,00

Pago ta bai via di ‘swipe machine’ na Lokèt di Pèrmit. Tambe por hasi traspaso riba kuenta, òf via ‘online payment’ riba kuenta MCB 31968600 Land Curaçao. No por paga ku sèn kèsh na Lokèt di pèmit.

Pa mas informashon por tuma kontakto ku nos departamento Bentana di Informashon na Tel: 434-1690. Tambe por manda mail na vog.vl@gobiernu.cw.

Pa e studiante ku a hasi su petishon di Deklarashon di Bon Kondukta kaba, i ke sa e státus di su petishon, e por yama na telefòn 434-1692 òf mail na afgifte.vergunningenloket@gobiernu.cw

Lokèt di Pèrmit. Pa kontakto efektivo ku públiko

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: