Minister Shalten Hato a topa ku sra. Iris Inocente
Despues di regresá for di un biahe intenso di trabou na Hulanda sin tabatin tempu personal m’a disidí di bai wak algun kamisa di trabou pa kumpra. Wulfsen63 Studio ta un dje establesimentunan kaminda ku mi tin años ta bishitá.
Grato tabata mi sorpresa ora ku sra. Iris Inocente, kende ta un dje doñonan ku semper sa yudami a kontami ku de fakto ela kuminsá komo kahera na Wulfsen & Wulfsen. Ku perseveransha i trabou duru ela krese i awe bira un dje doñonan. Historianan di kresementu personal di kosiudadano ta yenami i nami aún mas gana pa traha pa bienestar di nos pais. Si nos ke, nos por!
