REGISTRASHON PA TRANSPORTE PA SKOL AÑA ESKOLAR 2022 – 2023

MINISTERIO KONSERNÍ ENSEÑANSA, SIENSIA, KULTURA & DEPORTE

 PUBLIKÁ RIBA 12 YÜNI 2022

WILLEMSTAD – Gobièrnu ta partisipá ku entrante djaluna 20 di yüni 2022 Lokèt di Pèmit ta kuminsá ku registrashon pa bini na remarke pa transporte gratis pa skol pa aña eskolar 2022-2023. Por inskribí e yu(nan) ku mester hasi uso di transporte pa skol na Lokèt di Pèrmit banda di Subway Saliña. Esnan ku ta outorisá pa registrá e yu pa transporte pa skol ta e mayor òf e tutor òf un fundashon (stichting).

Teniendo kuenta ku mester evitá aglomerashon  i mantené distansha sosial konforme e protokòl “Gobiernu di Kòrsou”, Lokèt di Pèrmit ta introdusí 2 forma pa registrá.

  • Ta urgí mayor/tutor pa hasi uso di e fasilidat di mail. Mayor/tutor por manda un email ku e dokumentonan bálido i kompleto na transporte.vl@gobiernu.cw. Na momentu ku risibí e petishon via di mail, mayor/tutor ta risibí un kontesta via di mail konfirmando e petishon. Ta pidi pa manda tur dokumento den formato pdf òf jpg. Den kaso ku e dokumentonan no ta kompleto òf korekto mayor/tutor lo risibí un mail pa koregí esaki.
  • Den kaso ku no por manda un mail por pasa personalmente di djaluna pa djaweps entre 8’or pa 3’or i riba djabièrnè entre 8’or pa 12’or. Ta bon pa tene na kuenta ku mayor/tutor mester para pafó di edifisio siguiendo instrukshon di e funshonario di seguridat. Den sala di espera mayor/tutor mester sigui instrukshon di e funshonario ku ta guia e proseso.

Pa hasi petishon mayor/tutor mester presentá ku e dokumentonan nesesario ku ta entre otro un karta di inskripshon firmá i ku stèmpel di e skol, sédula di e yu òf su karchi di SVB, prueba di entrada di mama i tata òf tutor, buki di famia òf trouwboek òf ‘uittreksel’  di Kranshi (NAf. 10.00).

Solamente petishon di kua e dokumentonan ta korekto i kompleto ta keda prosesá. Ta importante pa e mayor/tutor duna su email i number di telefòn pa por komuniká kuné ora e desishon ta kla.

Pa mas informashon tokante e dokumentonan nesesario por tuma kontakto ku Lokèt di Pèrmit, departamentu di Intake na telefòn 434-1691 òf email transporte.vl@gobiernu.cw.

Sr. S. van Heydoorn

Minister van Onderwijs, Wetenschap, Cultuur en Sport

 

This site uses Akismet to reduce spam. Learn how your comment data is processed.

%d bloggers like this: