google.com, pub-5639114718427035, DIRECT, f08c47fec0942fa0

MINISTER COOPER PRESENTE NA GROUNDBREAKING DI BOTIKA SANTA MARIA SU EDIFISIO NOBO

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 PUBLIKÁ RIBA 14 YÜNI 2022

Willemstad – Riba djaluna 3 di yüni, Minister Cooper  tabata presente na Groundbreaking di Botika Santa Maria su proyekto nobo.

Na okashon di e di 3 aniversario di Botika Santa Maria (BSM), gerensha a ripará ku e botika a resultá demasiado chikitu pa e bario di Santa Maria, Buena Vista, Kanga, Dèin i demas barionan den bisindario. Mesora gerensha di Botika Santa Maria ku ta ‘The Middelhof’s Group’ a kuminsa ku trámitenan nesesario pa konstruí un edifisio nobo, modèrno i mas espasioso. E edifisio aki lo por kumpli ku e nesesidatnan ku na e momentunan aki ta prioridat pa nos pais i partikularmente e besindario di Santa Maria.

Studio 8 entre otro tabata enkargá ku e diseño di e edifisio aki. Ku hopi pasenshi, a logra diseñá un Botika super modèrno ku ta kualifiká segun tur e eksigenshanan modèrno.

Gerensha a hasi petishon pa e pèrmitnan di konstrukshon serka ROP i a keda kla.

Minister Cooper a yama danki na tur persona ku di un manera òf otro a traha ku alma i kurpa riba e proyekto aki, i a duna nan granito pa asina e groundbreaking por a tuma lugá riba e tereno kaminda pronto lo bai tin un edifisio super luhoso i modèrno.

E proyekto aki lo ta un invershon di mas o menos 3 mion florin i lo tin un durashon di apróksimadamente 8 pa 9 luna ku naturalmente lo nifiká trabou pa kontratista i konsekuentemente un biaha mas trahadónan lokal. Naturalmente, un kantidat di persona sustansialmente lo haña trabou na momentu ku finalisá e proyékto bunita aki.

Un pabien ta bai na gerensia i trahadónan di Botika Santa Maria ku e bunita inisiativa aki ku sigur sigur lo yuda engrandesé ekonomia di nos pais.

Share this page to Telegram

This site uses Akismet to reduce spam. Learn how your comment data is processed.

%d bloggers like this: