google.com, pub-5639114718427035, DIRECT, f08c47fec0942fa0

Slogan di kampaña di konsientisashon relashoná ku aña di limpiesa: “Kuantu kilo b’a piki?” 

KLIK AKI PA WAK E FACEBOOK: https://www.facebook.com/profile.php?id=100045700818054
KLIK AKI PA WAK E FACEBOOK: https://www.facebook.com/profile.php?id=100045700818054


Willemstad –  Riba 31 di mart último durante un rueda di prensa, Minister di Salubridat, Medio Ambiente i Naturalesa drs. Dorothy Pietersz- Janga a proklamá aña 2022 komo aña di limpiesa. Konforme artikulo 24 di nos Areglo di Estado, gobièrnu tin e tarea pa hasi Kòrsou bibabel, protehá nos naturalesa i medio ambiente i drecha nos sirkumstansha di bida. Ta den e kuadro aki a proklamá aña 2022 komo aña di limpiesa kaminda ta involukrá diferente stakeholders di e sektor.

Kada fin di siman lo duna un bario atenshon. Despues ku habitantenan limpia den i pafó di nan kurá, lo por deshasí di e shushi den bakinan grandi ku lo keda poné den bario. Hopi di nos ta pensa ku limpiesa di nos pais ta solamente responsabilidat di gobièrnu, Selikor i gruponan boluntario. Shushi den i pafó di nos kurá i riba kaya ta un problema di nos tur i kada un di nos por hasi e diferensia. Importante ta pa nos tur para ketu na e pregunta: Kiko abo mes ta hasi pa aportá na un Kòrsou limpi?

Den e kuadro aki gobièrnu ta bai inisiá un programa di largo plaso ku ta enfatisá e importansia i responsabilidat di kada un siudadano pa limpiesa di nos pais. Nos ta inkluí tur siudadano i stimulá nan pa partisipá na akshonnan di limpiesa den bario i pa yuda tene nan bario limpi. Momentu ku e proyekto di limpiesa ta den bario, habitantenan por pisa e shushi ku nan a rekohé, saka un selfie ku lo bai riba medionan sosial i konforme e slogan, puntra “Kuantu Kilo b’a Piki?”. 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: