RDK I CRU TA PASA DI BARIO PA BARIO PA REGISTRÁ TRAHADÓ DI FISHI

KLIK AKI PA WAK E FACEBOOK: https://www.facebook.com/profile.php?id=100045700818054
KLIK AKI PA WAK E FACEBOOK: https://www.facebook.com/profile.php?id=100045700818054

Willemstad 19 di Yüni 2022 – Refineria di Kòrsou (RdK) i Curaçao Refinery Utilities (CRU) ta kontinuá ku e kampaña pa registrá trahadónan di fishi pa e trabounan ku lo habri na refineria i na e terminalnan na Bullenbaai. Despues di a lansa e kampaña di registrashon kaminda trahadónan di fishi interesá por a registrá tantu online komo durante e dianan di registrashon na Man Camp Post 5, e kampaña ta kontinuá aworaki mas serka di komunidat pa medio di registrashon mobíl. For di djarason 22 di Yüni te ku 2 di Yüli e Bùs di Registrashon lo pasa na diferente bario pa fasilitá registrashon di trahadónan di fishi ku ta interesá pa traha den industria petrolero di Kòrsou.

 

Aktualemente Rdk i CRU ta prosesando e datonan di esnan ku a registrá durante e kampaña online via IPE.CW i durante e dianan di registrashon ku a tuma lugá riba 10 i 11 di Yüni na Man Camp situá na Post 5. Simultaneamente RdK i CRU lo trese registrashon mas serka di komunidat dor di kontinuá ku e kampaña di registrashon pa medio di e Bùs di Registrashon ku lo pasa diferente bario di Kòrsou entre djarason 22 di Yüni te ku djasabra 2 di Yüli. E Bùs di Registrashon lo ta posishoná na puntonan konosí i fásilmente aksesibel entre 9’or di mainta te ku 2’or di mèrdia. Aki, tur esnan interesá por registrá nan datonan personal i informashon relevante.

 

Barionan ku Bùs di Registrashon lo bishitá
E barionan ku e Bùs di Registrashon lo bishitá ta Skol di Fuik riba djarason 22 di Yüni, Bon Bini Supermarket na Brievengat riba djaweps 23 di Yüni, Koral Specht riba djabièrnè 24 di Yüni, 4th of July Snack na Barber riba djadumingu 26 di Yüni, Boka Samí riba djaluna 27 di Yüni, SEDA Santa Maria riba Seru Fortunaweg riba djamars 28 di Yüni, area di parker na Misa di Santa Rosa riba djarason 29 di Yüni i e klousura lo tuma lugá na Brion Plein riba 2 di Yüli (Dia di Bandera).

 

E enfoke prinsipal di RdK i CRU ta pa kolektá e informashon di e personanan, e fishinan ku e personanan aki por ehersé i e areanan di interés ku e personanan lo ke desaroyá den djé. Te ku awor a registrá mas ku 2500 persona. E departamentu di rekurso humano di CRU ta prosesando e informashon ku a generá i kategorisá e diferente interesnan bou di a areanan kaminda ta buska trahadó di fishi. Despues di esaki lo tuma kontakto ku tur persona ku a registrá.

 

This site uses Akismet to reduce spam. Learn how your comment data is processed.

%d bloggers like this: