Minister Ruisandro Cijntje a sera konosí ku sr. Robert de Groot kende ta e ‘representante permanente di hulanda na union europeo situá na Brussel.

Durante di e enkuentro aki, sr. De Groot a amplia riba desishonan ku ta keda tuma pa e asina yama LGO landen (Landen en Gebieden Overzee) òf desishonan ku ta afektá nos paisnan.

Sr. De Groot a elaborá riba e asosashon OCTA (Overseas Countries and Territories Association) kaminda nos i otro LGO’s por akudí pa risibí informashon tokante di sosten finansiero.

Digitalisashon i desaroyo sustenibel a keda trese dilanti komo puntonan di desaroyo importante pa nos pais i esaki ta konsistente ku e maneho di desaroyo ku nos a bin ta hiba for di dia ku mi a huramentá komo minister di Desaroyo Ekonómiko.