NOS SELEKSHON NASHONAL MASKULINO U-20 LO PARTISIPÁ NA E SEGUNDO BUÈLTA DI E CONCACAF MEN’S U-20 CHAMPIONSHIP KU LO TUMA LUGÁ 25 YÜNI  NA HONDURAS!

 

 

 

Aña pasá nos selekshon nashonal maskulino kategoria U-20 a terminá komo number 1 den su pul i a klasifiká pa e segundo buèlta di e CONCACAF Men’s U-20 Championship. P’esei nos selekshon ta rumbo pa Honduras pa enfrentá sea Honduras, Costa Rica, Jamaica òf Antigua & Barbuda (dependé kua sali number 1 den e pul) durante nos kompromiso di e segundo buèlta di e kampionato aki. Nos partido lo tuma lugá 25 di yüni 2022 pa 8:30pm den Stadion Fransisco Morazan aya na Honduras.

 

Nos selekshon ya tin algun siman ta preparando i ta praktiká pa saka kara di Kòrsou un biaha mas. Un grupo di 19 hungadó ta forma parti di nos selekshon nashonal maskulino kategoria U-20. E hungadónan aki ta hungadónan áktivo den Liga MCB Promé Divishon pero tambe tin algun hungadó residensiá na Hulanda ku a bin pa reforsá nos selekshon.

 

Nos selekshon ta wòrdu dirigí pa Sr. Gersino Constansia ku ta wòrdu asistí pa

Sr. Raul Triana komo asistente tékniko i Sr. Pablo Mark Alomá komo entrenadó di portero. Sr. Robert Duncan i Sr. Clinton Leocadia ta e masahistanan miéntras dòkter Ramfis Fillet tambe ta kompañá e selekshon i Sr. Luidjino Hojer ta esun enkargá ku e materialnan di nos selekshon. E hefe di delegashon ta Sr. Urvin Fanijte, miembro di direktiva di FFK.

 

E siguiente hungadónan ta forma parti di nos selekshon;

 

  1. Juruël Bernadina (FC Utrecht)
  2. Jaïr-Ceasar Bryson (SC Telstar)
  3. Vinsley Cathalina (Victory Boys)
  4. Keanu Does (Ado Den Haag)
  5. Rayvien Job (Excelsior)
  6. Nino Fancito (FC Eindhoven)
  7. Denzley Griët (FC Dordrecht)
  8. Calvin Gustina (Ado Den Haag)
  9. Rayhim Inesia (Scherpenheuvel)
  10. Jaydiño Jacobus (Nac Breda)
  11. Sidney Kastaneer (Jong Colombia)
  12. Reuel Martina (Jong Colombia)
  13. Shedrion Mathilda (Subt)
  14. Alrick Pantophlet (Jong Holland)
  15. Naygiro Sambo (Vitesse)
  16. Rayden Winklaar (Undeba)
  17. Gior Selassa (Inter Willemstad)
  18. Ghillian Ilaria (Almere City)
  19. Nigel Marengo (SC Heerenveen)

Preparashonnan ta kanando den ful swing pa nos selekshon nashonal U-20 ku lo biaha próksimamente pa Honduras.

Keda pendiente pa mas informashon…

This site uses Akismet to reduce spam. Learn how your comment data is processed.

%d bloggers like this: