17 polis di KPC a risibí diploma di estudio Básiko di Polis na ORV

WILLEMSTAD – Djabièrnè di 24 di yüni 2022 tabatin entrega di diploma na 17 Polis di Kuerpo Polisial Kòrsou (KPC) ku resientemente a terminá estudio Básiko di Polis (Basis Politie Opleiding) ku éksito. Ta trata aki di Polisnan di e klas BPO 2019-I ku a start ku e estudio BPO na ougùstùs 2019.
Durante e seremonia ku a tuma lugá na ORV, direktor di ORV sra. Falbru i hefe di Kuerpo Polisial Kòrsou sr. Raymond Ellis a hiba palabra. Minister di Hustisia sr. Shalten Hato tambe a hasi akto di presensia na e seremonia i a dirigí palabra na e hóbennan ku a slag i presentenan. Guiadó di klas sr. Djener Jansen ku alabes ta hefe interino di Initiële Opleidingen tambe a dirigí palabra. E grupo aki ta e di 5 ku a haña e estudio Basis Politie Opleiding riba nivel SBO 3.
Agente Gishainy Rosalia di e klas aki (BPO 2019-I) a slag ku mihó puntuashon ku .. punto. Esnan ku a risibí diploma ta Richen Martina, Cerrel Poulina, Jossel Jansen, Nigel Daal, Reuel Josepha, Thaïma Gosepa, Nurrison Leonora, Quensley Raphaela, Aaron Martis, David Tremus, Sharline Donker, Rigino Elisa, Naijf Jansen, Giordanello Sambo, Sharyanne Gijsbertha i Chantal Sprock. E agentenan Polisial menshoná a risibí nan diploma di BPO huntu ku diplomanan di entre otro Landamentu, EHBO, IBT-Paspoort i otro diploma i sertifikadonan den presensia di hefenan Polisial, nan guiadónan (mentor), dosente i personal di ORV i naturalmente nan famia.
BPO nivel SBO 3
Ta e di 5 klas ku a haña e estudio Basis Politie Opleiding na nivel (SBO 3) adaptá na e sistema nobo di funshoná di Kuerpo Polisial Kòrsou. A yega na e nivel di estudio aki despues di un estudio intensivo ku ORV a hasi huntu ku Kuerpo Polisial Kòrsou den kuadro di Competentie Gericht Onderwijs i reorganisashon di Kuerpo Polisial Kòrsou. Ta kombiná e konosementu, abilidat, aktitut i karakterístikanan di loke e Polis mester pa funshoná mihó den e kuerpo moderno, e Kuerpo Polisial Kòrsou reorganisá (Nobo) i naturalmente pa un mihó servisio na komunidat.
Den e estudio tin varios materia, espeshalmente di abilidatnan práktiko. Por ehèmpel, materianan manera: “Verlenen van Noodhulp, Registreren en Rapporteren, Surveilleren, Toepassen en uitvoering van Eenvoudige Opsporingstaken, Ondersteunen en Handhaven, Toezicht Houden , Controleren, Verbaliserend Optreden, Sociologie, Topografische Kennis, Omgaan met Publiek, Psychologie, ets.”.
Share this page to Telegram

This site uses Akismet to reduce spam. Learn how your comment data is processed.

%d bloggers like this: