Análisis di krímennan di impakto haltu.

Klik hier:
https://www.facebook.com/profile.php?id=100045700818054

 

KOMUNIKADO DI PRENSA 337 /2022
6 yüli 2022
Análisis di krímennan di impakto haltu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den e periodo di 27 di yuni pa 3 di yüli 2022, polis a registrá i a analisá e siguiente
aktividatnan kriminal.
Atrako
Den e periodo ariba menshoná tabatin tres (3) kaso di atrako.
Esakinan a tuma lugá riba respektivamente djamars 10.05’or, djasabra 00.02’or i 13.13’or.
Den e kasonan aki e malechornan a hasi uso di arma di kandela, kuchú i forsa físiko.
E sítionan tabata Kanga, Kunuku Grandi i F.D. Rooseveltweg.
Ladronisia di vehíkulo
Den e periodo aki tabatin tres (3) notifikashon di ladronisia di outo.
E outonan aki a wòrdu hortá na Kaya Calderana, riba lugá di stashoná outo di un
supermarket i na un adrès riba Seru Loraweg.
Den dos kaso a bai ku un Kia Picanto i den e otro a bai ku un Kia Rio.

Kiebro den kas
Polis a registrá kuater (4) kiebro den kas di kua mayoria tuma lugá entre 08.00’or – 12.00’or
riba djaluna, djamars, djabièrnè i djadumingu.
Malechornan a penetrá dor di fòrsa porta di patras di kas of porta di kushina.
E kiebronan aki a tuma lugá den Camaliaweg, Kaya Abeha, Montaña Rey i Trinidadweg.
Kiebro den negoshi
A konfirmá seis (6) kiebro den negoshi i nan a tuma lugá riba djarason, djaweps, djabièrnè i
djadumingu entre 04.00’or i 06.00’or.
A penetrá den e negoshi dor di kibra dak of porta.
Malechornan a kibra na establesimentunan riba Jan Noorduynweg, Sto. Domingoweg,
Corriweg, Pastoor Blommerdeweg, Bullenbaai I Heintje Koolweg.
Kiebro den/na outo
Tabatin kuater (4) kiebro den outo, ku a tuma lugá riba djaluna, djabièrnè i djadumingu
entre 21.00’or i 23.00’or.
E método ku mas e malechornan a usa tabata di ranka e bùmper dilanti of kibra bentana di
patras.
E sítionan na unda a kibra na e outonan tabata v. Leeuwenhoekstraat, Yotin Kortá i Johan v.
Walbeeckplein.
Violensia relashonal
Polis mester a atendé 14 kaso di violensia relashonal, di kua mayoria a tuma lugá durante di
henter siman.
Mayoría di e kasonan aki a tuma lugá entre 21.00’ i 22.00’or.
E áreanan kaminda ku polis mester a duna asistensia pa e tipo di violensianan aki, tabata for
di Brakkeput mei-mei te ku Seru Fortuna.

 

This site uses Akismet to reduce spam. Learn how your comment data is processed.

%d bloggers like this: