ENTREGA DI PÈRMIT DI KONSTRUKSHON NA PEN RESORT BV

Total Care Institute
Kinderdagverblijf en Naschoolse Opvang & Activiteiten
* Gekwalificeerde groepsleidsters
* Uw baby vanaf 6 weekjes oud
* Gevarieerde educatieve activiteiten
* Maandelijkse thema’s
* Het hele jaar door geopend
Bel of stuur een whatsapp bericht naar het nummer 5123160 voor nadere informatie en inschrijving
Klik hier oom naar onze FaceBook te gaan:
https://www.facebook.com/profile.php?id=100045700818054
MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

ENTREGA DI PÈRMIT DI KONSTRUKSHON NA PEN RESORT BV

PUBLIKÁ RIBA 13 YÜLI 2022

Willemstad – Minister di Tráfiko, Transporte i Planifikashon Urbano, Charles Cooper, Minister di Desaroyo Ekonómiko, Ruisandro Cijntje huntu ku Servisio pa Planifikashon Urbano (ROP) a entregá e pèrmit di konstrukshon na Pen Resort B.V. pa konstrukshon di un proyekto ekonómiko i turístiko grandi. 

Proyekto di Pen Resort di The Pyrmont Hotel ta aloká na Penstraat, entre e monumento di Kas di Pueblo i monumento di Cerro Bonito. E proyekto aki ta bai bira un “All inclusive” Hotèl ku 300 kamber i 25 suites luhoso. The Pyrmont Hotel lo ta un “Upper Upscale / Luxury” di e frankisia di Autograph Collection, formando parti di e kadena Marriott. Komo ku e proyekto ta situá den nos sentro di siudat, e fachada di e hotèl mester kuadra ku e reglanan eksistente di konstrukshon.

Lo renobá Monumento di Kas di Pueblo kompletamente i su funshon nobo ta di horeca. Di mes manera lo renobá Monumento Cerro Bonito pa e tambe haña e funshon di horeca.

Konstrukshon i renobashon di e dos monumentonan ta kontribuí outomátikamente na impulso ekonómiko i turístiko pa Kòrsou; e ta duna un impulso na ekonomia ku kuponan di trabou durante e konstrukshon, renobashon i mantenshon; tambe turístiko atrayendo e turista ku ta mas inkliná na e luho i eksklusividat ku Pen Resort ta ofresé. Invershon di Pen Resort ta suma mas o ménos 160 mion florin, di kua alrededor di 40 mion ta pa invertí lokalmente den kumpra di produkto pa konstrukshon. Denter di dos luna lo kuminsá ku e proseso di konstrukshon pa e hotèl nobo por habri su portanan den e promé mitar di 2025.

Minister Charles Cooper i Minister Ruisandro Cijntje ta hopi kontentu ku e proyekto aki, ya ku e ta ofresé Pen Resort i pais Kòrsou un posishon mas atraktivo den Karibe.

Pa informashon general por tuma kontakto ku ROP via e number +5999433-3200. Tambe por manda Whats app na number di telefòn +5999511-3874 òf por manda e-mail na info.rop@gobiernu.cw.

   

Share this page to Telegram

This site uses Akismet to reduce spam. Learn how your comment data is processed.

%d bloggers like this: