Minister Shalten Hato Resientemente mi a bishitá e departamentu di Reclassering ku ta kai bou di Ministerio di Hustisia.

M’a haña un presentashon di nan trabounan diario i tambe di e retonan ku nan ta konfrontando. Mi por a kompartí e grato notisia ku pronto lo habrí vakatura pa asina amplia nan tim. Tambe mi a splika ku e poyekto “Na kaminda pa mi trabou” pronto lo wòrdu lansá kaminda lo stimulá resosialisashon di èks-detenidonan.