Kampionnan di deporte poniendo Kòrsou riba mapa pa mundu wak!

Kampionnan di deporte poniendo Kòrsou riba mapa pa mundu wak!

PAR ta felisitá nos deportistanan ku ta hasiendo furor den eksterior i asina pone Kòrsou riba mapa unabes mas!

Awe ekipo di Kòrsou a bira kampion di Latino Amerikano di Softball Selekshon Junior. Ku esaki e ta bira e di 4 tim di Kòrsou ku ta bai World Series e aña aki. Mester yama pabien i danki na e prestashon formidabel di picher Ivy Prince i Dayenne Prince. Tambe Kòrsou a triunfá i gana durante e wega Latino Amerikano Selekshon Senior di Softball.

Di e 7 kategorianan di kompetensia regional pa saka ken ta bai World Series den nos region, Kòrsou a partisipá na 6 kompetensia. Di e 6 weganan aki Kòrsou a bira kampion regional den  5 di e 6 nan.

E úniko ku nos a pèrdè ta baseball Senior League. Nos por asta papia ku loke Kòrsou a kaba di logra niun pais na mundu a logra!

No ta un sekreto ku Kòrsou semper a destaká den e deporte aki i a produsí hopi talento ku awor ta hunga den Major Leagues na Merka i otro paisnan manera Hapon. Siman pasa nos tim di Kòrsou tambe a bira sub kampion di ‘Honkbal week Haarlem’. Tambe nos ke rekordá riba Liga Pabou ku a sa di klasifiká nan mes pa representá Karibe na e World Series di Little League na Williamsport ku lo bai tuma lugá entre 17 pa 28 di ougùstùs 2022.

No ta den wega di bala so nos deportistanan ta destaká. Luna pasa nos por a eksperensia ku na torneo di tènis Roland Garros, Jean Julien Rojer a sali promé den e kategoria di “Dubbelspel”.

Riba tereno di Atletismo, tabata tin e Mundial di Atletismo na Oregon USA, kaminda nos hóbennan di Kòrsou a destaká ganando e medaya di plata pa 4×400 meter miksto.

I komo último nos no por keda sin menshoná nos ginetenan i amazonanan yòn ku den wikènt a partisipá i a destaká den e Mundial Hípiko di ekitashon na Cali, Colombia. Einan di e 150 partisipantenan, dos hóben i un hobensita vèrsá den e deporte aki ku ta pertenesé na ASPAFIKO a gana dos biaha e promé lugá i e di tres lugá i nan bin Kòrsou bek ku dos medaya di oro i un bròns. Di e 8 pais nan ku a kompetí na e mundial, Kòrsou a sali e na e di tres pais ku a bai kas bek ku mas tantu premio. Lokual ta masha bunita pa menshoná ta ku aparte di e medayanan di oro i bròns, un damita di kondishon speshal tambe a sa di gana un medaya di oro den su kategoria pa Kòrsou.

PAR ke kompartí su orguyo pa ku e deportistanan di Kòrsou ku determinashon, disiplina i amor pa e deporte i ku a pone Kòrsou destaká i mustra mundu ken ta kampion.

Ban sigui pone enfoká riba nos hóbennan i héroenan di deporte ku den transkurso di aña ta promové Kòrsou i sa di inspirá otro

 

 

 

Total Care Institute
Kinderdagverblijf i Naschoolse Opvang & Activiteiten
* Lidernan kualifiká
* Bo baby for di 6 siman
* Aktividatnan edukativo i variá
* Temanan mensual
* Habrí hinter aña
Yama òf manda un mensahe riba whatsapp na
number +59995123160 pa mas informashon i inskripshon
Pa bishita nos pagina di FaceBook, Klik aki:
https://www.facebook.com/profile.php?id=100045700818054
Share this page to Telegram

This site uses Akismet to reduce spam. Learn how your comment data is processed.

%d bloggers like this: