RAPÒRT TIP DI GOBIÈRNU MERIKANO

MINISTERIO KONSERNÍ HUSTISIA

PUBLIKÁ RIBA 19 YÜLI 2022

WILLEMSTAD – Gobièrnu di Kòrsou a tuma nota ku Merka a baha e klasifikashon di Kòrsou na rango 3 pa loke ta trata kombatimentu di trafikashon di hende. Gobièrnu di Kòrsou ta lamentá esaki i ta di opinion ku e degradashon no ta ilustrá e tantisimo esfuersonan ku gobièrnu a bin ta hasi pa kombatí trafikashon di personanan. Ehèmpelnan di esaki ta inkluí varios seshon di entrenamentu, reunionnan i kampañanan di konsientisashon ku a bin ta tuma lugá e ultimo añanan pa kombatí trafikashon humano.

Gobièrnu ke suprayá tambe diferente proseduranan legal andando kual ta demostrá e esfuerso inkansabel pa kombatí e fenomeno ya menshoná. Gobièrnu tin atenshon pa e severidat di trafikashon humano i ta komprometé su mes pa kombatí esaki. No opstante esaki algun di e rekomendashonnan hasí den e rapòrt ta bai en kontra di nos estado di derechi manera por ehèmpel nos trias politika. Echo ta ku gobièrnu ta konfrontando k’un situashon finansiero no muchu alentador i e situashon geopolítiko di Venezuala kual ta hasi e fluho di indokumentadonan aún mas grandi. Organisashonnan kriminal naturalmente ta hasi uso di e situashon prekario aki pa trafiká personanan.

Gobièrnu di Kòrsou lo bai sigui desaroyá maneho i planesnan pa sigui kombatí trafikshon di hende i ta konvensí ku a korto plaso gobièrnu Merikano lo subi nos klasifikashon riba e lista di TIP.

 

Total Care Institute
Kinderdagverblijf i Naschoolse Opvang & Activiteiten
* Lidernan kualifiká
* Bo baby for di 6 siman
* Aktividatnan edukativo i variá
* Temanan mensual
* Habrí hinter aña
Yama òf manda un mensahe riba whatsapp na
number +59995123160 pa mas informashon i inskripshon
Pa bishita nos pagina di FaceBook, Klik aki:
https://www.facebook.com/profile.php?id=100045700818054
Share this page to Telegram

This site uses Akismet to reduce spam. Learn how your comment data is processed.

%d bloggers like this: