Detenshon i konfiskashon den kaso di atrako

Total Care Institute
Kinderdagverblijf en Naschoolse Opvang & Activiteiten
* Gekwalificeerde groepsleidsters
* Uw baby vanaf 6 weekjes oud
* Gevarieerde educatieve activiteiten
* Maandelijkse thema’s
* Het hele jaar door geopend
Bel of stuur een whatsapp bericht naar het nummer 5123160 voor nadere informatie en inschrijving
Klik hier oom naar onze FaceBook te gaan:
https://www.facebook.com/profile.php?id=100045700818054

 

 

KOMUNIKADO DI PRENSA 361/2022
23 yüli 2022

Detenshon i konfiskashon den kaso di atrako

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku diferente kaso di atrako ku den último siman tabata tuma lugá riba turista
den área di Janthiel kaminda tabata kita un marka i modèl di vehíkulo spesífiko for di e
bishitantenan aki, e Tim di Atrako tabata realisando un investigashon.
Den oranan di mardugá di djasabra dia 23 di yüli 2022, alrededor di 00.45’or, e personal di e
Tim di Atrako tabata den e besindario di Kaya Damasco, na momentu ku dos hòmber a tira
un atrako riba dos turista i bai ku nan vehíkulo i otro pertenensianan.
Mesora e personal di e tim sostené pa otro unidatnan a kuminsá ku un persekushon tras di
e vehíkulo aki i riba Kaminda Hensley ‘Bam Bam’ Meulens, a logra para e vehíkulo aki i
detené un di e okupantenan, e hòmber sospechoso M.R.U.C. di 20 aña di edat nase na
Kòrsou. E otro a logra hui for di e sitio.
Kontinuando ku e investigashon, e tim a tene un entrada hudisial na kas di e sospechoso
anteriormente detené na Chimichimiweg, i einan a logra di pone man riba e ko-okupante ku
un ratu promé a baha for di e outo i kore bai. Ta trata di e hòmber C.S. di 17 aña di edat
nase na Kòrsou.
Tantu durante di e entrada hudisial pero tambe den e vehíkulo hòrtá, polis a konfiská
diferente artíkulo di atrakonan anterior i tambe tur e pertenensianan di e turistanan ku un
ratu promé a bira víktima na man di e dos hòmbernan aki.
A presentá e duo dilanti di un fiskal ouksiliar, ku a ordená su enkarselamentu pendiente di
mas investigashon.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: