Digicel a duna oportunidat na 75 mucha pa partisipá na klínika di futbòl Real Madrid

Digicel a duna oportunidat na 75 mucha pa partisipá na klínika di futbòl Real Madrid

 

WILLEMSTAD:  Resientemente Fundashon Real Madrid a tene otro klínika di futbòl na Kòrsou, ku a tuma lugá for di dia 18 pa 22 di yüli ultimo na vèlt di FFK. E klínika spesialmente pa muchanan di 6 pa 13 aña di edat a keda patrosiná pa Digicel i Banco di Caribe i tabata spesífikamente dirigí pa desaroyá e habilidatnan den futbòl, pero tambe pa inspirá balor, union, liderazgo i team-work—Digicel, komo marka i operador digital ta haña ku e ta sumamente importante pa siña e muchanan for di un edat hoben e diferente balornan aki.  Den un klínika manera esun di Fundashon Real Madrid nan ta risibí tur e hèrmèntnan ku un mucha tin mester pa desaroyá den un adulto ku por kontribuí na su komunidat. Ta p’esei mes e programa a konsistí di 80% deporte i 20% balornan humano nesesario pa praktiká futbòl na un nivel haltu. 

 

E klínika di Real Madrid ta representá un oportunidat grandi pa e hóben lokal. Tur mucha a duna nan máksimo, sinembargo por a saka únikamente 3 MVP (Most Valuable Player), pabien na Mauro Louisa MVP U10, Victor Fernandes MVP U12 i Jaydan Roojer MVP U14. Loke a buska den e MVP ta e balornan ku ta identifiká Fundashon Real Madrid, manera liderazgo, trabou den ekipo, disiplina, kompromiso i kompañerismo. E ganador(nan) di e klínika a resultá e hóbennan Angelo Lombardo i Qiyazir Lake, ku otro aña lo bai Madrid pa representá Kòrsou den e promé edishon di e World Challenge Tournament ku lo tuma lugá den luna di Aprel 2023 na Real Madrid Sport City na Valdebebas. 

 

E muchanan ku a partisipá na e programa di entrenamentu a risibi unifòrm kompleto di Adidas FRM inkluyendo tas, pin, sertifikado, bòter di awa i un bala di futbòl komo rekuerdo di nan partisipashon. E klínika aki ta konta ku sosten inkondishonal di Digicel, ta p’esei mes a duna 75 mucha repartí entre Kòrsou, Aruba i Boneiru pa forma parti di e klínika aki. Esaki ta 15 mucha mas, kompará ku e patrosinio di Digicel na 2019.

 

Un danki tambe na EWT ku a proveé Gatorade i Pediasure na e partisipantenan. Sigui tur desaroyo riba e página di Facebook di Digicel. Riba imágen e partisipantenan di e klínika 2022 di Fundashon Real Madrid.

Share this page to Telegram

This site uses Akismet to reduce spam. Learn how your comment data is processed.

%d bloggers like this: