QMQ Organization ta klá pa e gran final di Miss Teenage Globe Curaçao 2022

Willemstad- QMQ organization huntu ku su spònsernan i e 6 partisipantenan pa Miss Teenage Globe Curaçao 2022 ta klá pa e gran anochi final 7 di ougùstùs awor den PWFC multifuctional center.

 

Hinter e tim bou di guia di Ayanette Haard Statia por mira bèk riba un temporada éksitoso, kaminda e 6 partisipantenan a risibí preparashon  riba nivel haltu i profeshonal.

 

Nan a disfrutá di hopi aktividat i charlanan edukativo ku a aportá na nan formashon. Durante e temporada por a mira kon tur e hóbenan a krese i desaroyá . E 6 hóbennan aki sigur a duna tur ku tin pa nan por yega e show final.

 

Djadumingu awor, e 6 partisipantenan lo bai demostrá kiko nan tin aden i pa asina nos konosé ken lo ta e Miss Teenage Globe Curaçao 2022. E ganadornan lo risibí tambe nan titulo nan ofisial kaminda nan lo bai representá Kòrsou riba tarimanan international.

 

Porta lo habri for di 4or di atardi ku un antesala i pa 5or en punto e show kumisá. Pueblo di Kòrsou por keda pendiente di e paginanan ofisial di QMQ Organization pa bib adelaster un detaye di e show.

 

Tema di e aña aki ta “Peagant meets Prom and Prom meets Pageant” i ta dediká na hubentud di Kòrsou. Pa e motibu aki, QMQ organization a produsí un bunita show den otro ku ta konsistí  di hobennan talentoso den baile, kanto i mas.

 

Por kumpra Karchi pa show final serka tur partisipante pa 65,- florin i tambe na porta. Asina aki QMQ Organization ta kompartí último seshon di potrèt di nos 6 partisipantenan i ta yama danki na pueblo di Kòrsou ku a biba ku e sertámen hubenil di momentu.

This site uses Akismet to reduce spam. Learn how your comment data is processed.

%d bloggers like this: