QMQ Organization ta habri aña ofisial i ta ranka sali ku inskripshon pa miss i modelo.
QMQ Organization ta habri aña ofisial i ta ranka sali ku inskripshon pa miss i modelo.
Willemstad- Den siman tras di lomba Queen Making Queens Organization, mihó konosi komo QMQ a habri aña di forma ofisial den un ambiente ameno huntu ku e tim, missnan i famia.
Huntu a selebrá i mira bèk riba aña 2025 komo un gran aña pa e organisashon. Hinter aña Queen Making Queens a sa di move i ta visibel den nos komunidat. Pa hasi esaki posibel, ta danki na e tim kampion tras di kortina ku ta traha inkansabel huntu ku kolaborador i patrosinadornan ku ta kere den e organisashon i nos hóbennan.
Meta i vishon a keda igual pa aña 2026 tambe. QMQ Organization su meta ta pa duna mas tantu hóben posibel e formashon lokal i internashonal den e mundu di beyesa. E vishon ta pa siguí krese e organisashon komo un plataforma di formashon stabil, kubriendo tur área di e mundu di beyesa.
E tres servisionan prinsipal di e aña aki ta Queens Model School, Miss Teenage Curacao i sertámennan Internashonal. Un organisashon ku tur 3 servisio bou di un dak. Inskripshon ta habri di 1 febrüari pa 28 di febrüari 2026 via e link riba e páginanan di media sosial di e organisashon, tantu pa Queens Modelschool i Miss Teenage Curacao.
Nos por informá ku Queens Model School ta duna lès tur djasabra atardi for di 2or te ku 5or di pasarela, baile, etiketa i public speaking, pa mucha for di 5 aña te ku 20 aña. E aña aki QMQ Organisashon ta bini ku un posibilidat nobo. QMQ lo duna oportunidat den luna di yüli, pa modelonan tambe por biaha pa desfilá internashonal. Na momentu ku modelonan inskribí, lo risibí invitashon pa un anochi di informashon spesial pa esaki.
Pa e sertámen mas popular bou di nos hóbennan, esta Miss Teenage Curacao, lo duna oportunidat na hóben damanan entre 14 pa 18 aña pa partisipá na e sertámen lokal ku ta un eksperensia ku ta transformá nan bida. Nan lo wòrdu prepará riba áreanan personal físiko i interno i tambe konosementu general lokal i internashonal. Pa e aña aki un biaha mas, tin 3 show prepará kaminda e hóbennan lo kompetí riba esenario. QMQ ta sumamente entusiasmá pa motibu ku e aña aki nan ta bai konosé e di 5 Miss Teenage i tambe selebrá 5 aña di eksistensia. E thema pa e aña aki ta, Viva La Quinta, Tropicana Royal. Tur hóben dama ku tin un bon karakter, ta sosial yudando komunidat i tambe ta bunita di paden i pafó por aserka nos organisashon pa mas informashon.
Manera kustumber di último 3 aña, QMQ Organization lo traha ku 3 sertámen internashonal di nivel haltu. E promé sertámen ta Teen Universe ku lo tuma lugá di 23 di febrüari pa 2 mart próksimo. Thalina Gil ku a gaña Miss Teenage Curacao 2025 ta kla prepará pa por representá nos dignamente.
QMQ organization ta konvensí ku nos lo tin un aña mas yena ku éksito i logronan grandi pa Kòrsou. Tur hóben ku ya ta den e mundu di beyesa i ke sigui desaroyá òf pa esnan ku pa promé biaha ke konosé e mundu di beyesa, esaki ta bo oportunidat. Por tuma kontakto ku nos via nos páginanan sosial riba Facebook i Instagram òf por mail nos na qmqorganization@gmail.com òf manda un Whatsapp na 513-7717. Nos ta warda bo pa forma parti di e famia di QMQ Organization.
