Konshens, Oxlade, Nailah Blackman i mas… Caribbean Splash 2025 lo brinda Kòrsou músika, kultura, i bon vibrashon
Konshens, Oxlade, Nailah Blackman i mas…
Caribbean Splash 2025 lo brinda Kòrsou
músika, kultura, i bon vibrashon
WILLEMSTAD; Un ola di ritmo, energia i orguyo karibense ta kla pa ‘sende’ Capital C, (Curaçao Airport
Dome) riba djasabra 28 di yüni próksimo ora e di tres edishon di Caribbean Splash tuma lugá. E festival
di e aña aki, organisá pa Fundashon Binti Ocho, ta primintí un eksperensia elektrisante yen di talento
internashonal i vibrashonnan kontagioso.
Despues di atraé mas ku 12.000 amante di músika den su edishonnan di 2023 i 2024, Caribbean Splash
2025 ta bèk—i mas vibrante ku nunka. Caribbean Splash ta primintí zonido mundial ku e kalentura di nos
isla. E esenario na Capital C lo keda sendé ku un elenko all-star di henter e diáspora; Konshens (Jamaica)
– E hitmaker di dancehall tras di “Gal a Bubble” i “Bruk Off Yuh Back”. Oxlade (Nigeria) – Sensashon di
Afrobeats konosí pa su hit mundial “Ku Lo Sa”. Nailah Blackman (Trinidad & Tobago) – E bos poderoso di
soca den su generashon nobo. Issairo (Curaçao) – E strea YDK kresiente di nos isla ta trese aksento lokal
riba esenario di Caribbean Splash. E DJnan p’e edishon aki lo ta RO-1, DJ Kembe, DJ Krokzz, DJ Henry X, i
e energia haltu di Madagaska Twins.
Caribbean Splash 2025 lo tuma lugá parti pafó di Capital C. Bishitantenan por disfrutá di un área di
kuminda ku lo sirbi sabornan di Karibe, Latino i di fushon, barnan bon surti, i un ‘lounge’ pa relahá bou di
strea. Esaki ta mas ku un konsierto—e ta un eksperensia. Portanan lo habri pa 8’or di anochi i lo tin
presentashon, un tras di otro, te ku 2’or di mardugá. For di Afrobeats te Soca, Dancehall te Amapiano, i
zonidonan Urban Caribbean.
Ta spera un anochi inolvidabel, ku un esenario di nivel internashonal, i un spiritu karibense pa redefiní
entretenimentu di nos isla. Karchinan pa Caribbean Splash 2025 ya ta na benta. Karchinan ‘early-bird’ ta
sold-out, i awor karchinan general ta optenibel pa 75 florin, no tin VIP Single. Mester bisa ku lo tin
únikamente Mesa VIP pa Caribbean Splash 2025. Pa mas informashon por bishitá
https://bintiocho.events/