GOBIÈRNU I REFINERIA DI KÒRSOU TA YEGA NA AKUERDO PA PAGA E DI 5 TRANSH NA (ÈKS-)TRAHADÓNAN DI ISLA

MINISTERIO KONSERNÍ ASUNTUNAN GENERAL I PROMÉ MINISTER

WILLEMSTAD – Tur (èks-)trahadó di Isla un bes mas ta bai risibí pago di redundansia. Esaki Gobièrnu di Kòrsou resien a palabrá konhuntamente ku Refineria di Kòrsou (RdK). Ta trata aki di e di 5 i último transh ku lo bai paga e trahadónan, kual ta suma un montante total di ANG 12 mion.

E desishon a kai despues ku gerensia i konseho di supervishon di RdK, den konsulta ku akshonistanan, a bai di akuerdo ku e proposishon riba mesa. Intenshon ta – igual na tur transh anterior – pa RdK por rekuperá e montantenan ku ya a yega di paga i ku ta bai paga awor, dor di ‘claim’ nan serka PDVSA. Sinembargo, resultado positivo òf nò di esaki no ta di influensia riba e siguransia pa e (èks-)trahadónan risibí nan kompensashon.

Na momentu di pago lo tene debida kuenta ku tur posibel palabrashonnan hasí ku sindikato.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: