REMKO BICENTINI TA REGRESÁ KOMO E ‘BONDS COACH’ DI NOS SELEKSHON NASHONAL!

Despues di e publikashon resien di FFK, anunsiando ku a terminá e relashon di trabou ku nos ‘bonds coach’ i direktor tékniko anterior, FFK ta anunsiá ku nos selekshon nashonal ta konta ku un ‘bonds coach’ nobo, kende ta Sr. Remko Bicentini.

 

Sr. Remko Bicentini no ta un deskonosí pa nos mirando ku den pasado ela fungi komo ‘bonds coach’ di nos selekshon nashonal i a logra diferente título importante ku nos selekshon.

Direktiva di FFK a bin ta traha duru p’asina yega na un ‘bonds coach’ nobo pa guia nos selekshon nashonal ku tin algun kompromiso importante na kaminda. Despues di algun entrevista ku diferente kandidato ku hopi potensial e eskoho a kai riba Sr. Remko Bicentini i awe FFK ta anunsiá di forma ofisial ku Sr. Remko Bicentini ta e ‘bonds coach’ di nos selekshon nashonal. FFK ta yama Sr. Remko Bicentini bon biní na kas bèk!

 

Den transkurso di e dianan aki nos lo duna mas informashon tokante nos selekshon i e kuerpo tékniko ku lo guia nan durante e próksimo temporada.

 

Keda pendiente pa mas informashon…

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: