UN TOTAL DI 205 DISEÑO TA KEDA ENTREGÁ PA YEGA NA UN EMBLEMA NASHONAL NOBO

MINISTERIO KONSERNÍ ASUNTUNAN GENERAL I PROMÉ MINISTER

 

PUBLIKÁ RIBA 21 OUGÙSTÙS 2022

WILLEMSTAD – Gobièrnu di Kòrsou a inisiá un trayekto pa yega na un Emblema Nashonal nobo pa Kòrsou di un forma partisipativo. Esaki ta parti di un esfuerso pa sigui yuda konstruí un Nashon.

E trayekto akí a ranka sali dia 4 di yüli kaminda Minister di Asuntunan General, sr. Pisas, Minister di Enseñansa, sr. van Heydoorn, i Presidente di Komishon Emblema Nashonal, sr. Guanipa, a anunsiá komensio di e trayekto aki.

Hinter e komunidat di Kòrsou a haña un total di 30 dia pa diseñá i entregá un diseño basá riba e 5 kriterianan ku e Komishon Emblema Nashonal a stipulá. Pa mas informashon riba e kriterianan, por subi riba e website http://www.emblema.cw.

Komishon Emblema Nashonal a haña un total di 205 diseño entregá di kua lo hasi evaluashon individualmente basá riba e kriterianan, pa asina yega na un tòp 10 ku pueblo di Kòrsou por bai vota riba dje pa nan emblema preferí.

Sigui gobièrnu su kanalnan di komunikashon pa mas informashon tokante di e trayekto akí i eventualmente pa vota pa bo diseño fáborito!

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: