CURACAO BANDA SHOW TA LANSA VIDEO DI SALSA FEATIRUNG DIEGO MORAN DI COLOMBIA

 

 

WILLEMSTAD – E siman aki ta subi merkado e video clip nobo nobo di Curacao Banda Show, un orkesta bou di direkshon musikal di Enrico Henriquez, ku ta featering e kantante Colombiano Diego Moran. Ta trata aki di  un tremendo salsa ku ta destiná pa konkistá mundu.

For di aña pasá, Curacao Banda Show a bin ta traha riba e proyekto aki i por fin esaki a keda kla. Di e forma aki CBS ta lansa un produkshon di kalidat internashonal pa mundu por disfrutá.

Un danki ta bai na Ofisina di Turismo di Kòrsou i na Papagayo Beach Resort ku a duna nan aporte na e poryekto aki. Un danki tambe ta bai na tur e musikonan di Curacao Banda Show ku a partisipá e e proyekto. Tambe un danki na Pipo Productions & Multiservices  ku a pèrkurá pa e grabashon i tambe edeting di e video na momentu ku Diego Moran tabata na Kòrsou.

Curacao Banda Show ku ta un orkesta ku  tin komo meta presentá músika na un nivel internashonal, pa di e forma ei sigui plama músika for di Kòrsou pa mundu por disfrutá. Pa esnan ku ta interesa pa wak e video i share esaki, por hasi esaki via di e Youtube Channel di Curacao Banda Show  via di e link VAMONOS Curacao Banda Show ft. Diego Moran – YouTube

Reservá  5 di novèmber 2022 pa un presentashon bibu di Diego Moran ku tur su éksitonan kompañá pa músikonan di Kòrsou. Pre- show lo ta na enkargo di Curaçao Banda Show. Tur esaki lo tuma lugá djasabra dia 5 di novèmber den Club LIV na Saliña.  Keda pendiente pa e promoshon.

Danki

 

Curacao Banda Show

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: