KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Análisis di krímennan di impakto haltu.

KOMUNIKADO DI PRENSA 396 /2022
23 ougùstùs 2022
Análisis di krímennan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Den e periodo di 15 pa 21 di ougùstùs 2022, polis a registrá i a analisá e siguiente
aktividatnan kriminal.
Atrako
Den e periodo ariba menshoná tabatin un (1) kaso di atrako.
Esaki a tuma lugá riba djabièrnè alrededor di 00.45’or na un bar riba Schottegatweg-West.
Ladronisia di vehíkulo
Den e periodo aki tabatin sinku (5) notifikashon di ladronisia di outo.
E outonan aki a wòrdu hòrtá for di lugá di stashoná outo na Cocolora Appartments i
Kadaster, Kaya Aron i Cubaweg.
A bai ku un Kia Picanto, Kia Sportage, Hyundai Tucson i dos Hyundai Elantra.

Kiebro den kas
Polis a registrá ocho (8) kiebro den kas di kua mayoria tuma lugá 09.00’or i 12.45’or riba
djamars, djárason, djabièrnè i djasabra.
Malechornan a penetrá dor di kibra bentana di e kas i/o fòrsa hekwerk.
E kiebronan aki a tuma lugá den Berg Carmelweg, Dr. Evertszweg, Kaya Kashimiri (2), Kaya
Kontrabas, Kaya Soeur Felicista, Sta. Rosaweg, Willem de Zwijgerlaan.
Kiebro den negoshi
Den e periodo aki a registrá seis (6) kiebro den negoshi.
E kiebronan aki a tuma luga riba djamars, djárason i djaweps entre 02.00’or i 06.00’or.
E adresnan na unda a kibra tabata Kenepa chiki, Sta Rosaweg, Winston Churchillweg, Saliña
Abou, F.D. Rooseveltweg i dr. Hugenholtzweg.
Kiebro den/na outo
Tabatin nuebe (9) kiebro den outo, ku a tuma lugá tur dia di siman ku eksepshon di djaluna.
Mayoria a tuma lugá entre 21.00’or pa 23’00’or i 02.00’or pa 05.00’or.
E sitionan tabata J.H.J. Hamelbergweg, Jandoret, Kaya Hose i Nana, La Guairaweg, Mgr.
Kieckensweg, Plaza Piar, Roodeweg Veerisweg i Winston Churchillweg.
Violensia relashonal
Polis mester a atendé 12 kaso di violensia relashonal, di kua mayoria a tuma lugá durante di
henter siman, ku eksepshon di djaweps.
Mayoría di e kasonan aki a tuma lugá entre 08.00 pa 09.00’or i 23.00’or pa 24.00’or.
E áreanan kaminda ku polis mester a duna asistensia pa e tipo di violensianan aki, tabata for
di Brievengat te Juan Hato.

 

639114718427035"
639114718427035"