E grupo ta kasi ‘sold out’ pa Karnaval 2023 A’legria ‘sneak peek’ pa Marcha Grandi  tabata sensashonal! 

E grupo ta kasi ‘sold out’ pa Karnaval 2023

A’legria ‘sneak peek’ pa Marcha Grandi  tabata sensashonal! 

WILLEMSTAD/Resientemente miembronan di A’legria tabatin 2 dia ku nan por a risibi un ‘sneak peek’ di e pañanan pa Marcha Grandi 2023. Mester bisa ku tur hende ku a bishitá The Secret den Saliña pa e evento eksklusivo aki tabata masha entusiasmá. Na tur a elaborá 26 diseño, pa sekshon Izel, Pehiti,Waitheri i 30 diseño pa sekshon VIP. Tur partisipante por a mira tela i ‘headpiece’ kompletamente ‘ready’. Ya den fin di siman tras di lomba a konfirmá ‘sold out’ di 2 sekshon i enrealidat ta yegando e máksimo partisipashon di e grupo.  Hubert ‘Bert’ Isenia kreador di e trahenan ta un karnavalista di kurason i ku un amor inmenso pa karnaval di Kòrsou, e pashon aki a keda reflehá den e trahenan i miembronan a keda babuká ku e kreashonnan. Bunita, elegante, impaktante pero ei mes hopi kómodo pa bai e marcha di 7 kilometer otro aña. E grupo enkabesá pa Gianni i Kenley Jansen ta subi kaya den Karnaval 2023 ku ICONS, QSIGN Mellowstreet RO-1 i ATANIRO. 

 

Pa antisipá e ambiente A’legria lo tin un jump-in dia 1 di òktober. Preparashon pa e gran evento ya a kuminsá; esaki ta nifiká tambe ku karchinan ya kaba a keda distribuí na puntonan di benta. Destra Garcia, Queen Of Bacchanal lo ta huntu ku henter su banda- e no ta deskonosí den ambiente di karnaval, soca i ‘jouve’. E ambiente ku e Reina di Bakanal ta trese ta unu di puru adrenalina. Imaginábo, esaki kombiná ku nos dushi tumba i roadfire pa krea un ambiente eksplosivo den Chobolobo!  Den e jump-in ‘Bacchanal Tribe’ tambe lo presentá ICONS, ERA, ONE i lo tin presentashon di RAEY, La Diva GiGi, RO-1 i MC Chris Strick. Early bird a sali kaba na balor di 65 florin. Sigui tur desaroyo i preparashon Grupo di Karnaval A’legria riba Facebook, Instagram i alegriacuracao.com.