Insidente ku militarnan Hulandes i Merikano di Wardakosta riba laman dia 25 di yuli 2022

Total Care Institute organiseert voor de komende tussenvakantie, 3 tot en met 7 oktober 2022, een Excursie Vakantieplan! We gaan iedere dag op stap, op sommige dagen 2 verschillende excursies! Stuur een whatsapp bericht naar het nummer +59995123160 en schrijf uw kind in FaceBook: https://www.facebook.com/profile.php?id=100045700818054

 

 

Willemstad, 5 di sèptèmber 2022

 

Na minister di Hustisia 

Señor Shalton Hato

Wilhelminaplein #

Presente

 

Tópiko: Insidente ku militarnan hulandes i merikano di Wardakosta riba Laman 25.07.2022

 

Señor minister Hato,

 

Resientemente …………….

 

Frakshon di MFK hasiendo uso di e derecho di hasi pregunta ankrá den artíkulo 96 di Reglamento di Òrdu i tambe artíkulo 57 di nos Areglo di estado, na nòmber di nos frakshon mi kier a hasi señor minister Hato e siguiente preguntanan.

 

  1. Minister ta na altura si ta bèrdat ku dia di e insidente tabatin militarnan hulandes i tambe militarnan/Warda Kosta merikano na bordo di lanchanan di Wardakosta? 
  2. Ta for di ki dia ta usando militarnan Hulandes i personal merikano riba nos botonan di Wardakosta i si ta korekto ku nan a wòrdu lansa for di un barku di guera Ulandes? 
  3. Minister ta konsiente ku militarnan ta wòrdu entrená pa hiba guera i pa mata hende?
  4. Si tabatin militarnan hulandes i tambe militarnan/Warda Kosta merikano na bordo di nos botonan di Warda Kosta, ta bèrdat ku ta e militar/Warda Kosta merikano a tira e tripulante riba e “Go Fast” mata?
  5. Minister por informá Parlamento ta ken ta para responsabel pa e aktuashon di e militar merikano aki, ta Merka, ta Hulanda òf ta pais Kòrsou?
  6. Ki garantia minister tin ku e militarnan aki na bordo di Wardakosta no a hasi un infrakshon riba awanan teritorial di Venezuela?
  7. Ki paso Minister ta bai tuma si resultá ku e suseso aki a tuma lugá den awanan teritorial di Venezuela?
  8. Kiko Minister ta bai hasi pa evitá un konflikto ku Venezuela kaminda nos a laga militarnan Hulandes i personal merikano ku nos no tin ningun sorto di kòntròl riba nan, hasi operashonnan militar riba laman, ku no tabatin nada di aber ku nos órden públiko?
  9. Minister ta na altura ku ora un hende muri a base di akshonnan hudisial riba laman ku militarnan enbolbí, ku tratadonan  internashonal ta drenta na vigor?
  10. Minister ta haña ku Prokurador General (PG) ku na mes momento tambe ta  hefe di e mes un Ministerio Públiko (OM) ku ta enbolbí den persiguí e tripulantenan envolví den e insidente, ta sufisiente imparsial, ku e mes por ta enbolbí den investigá esnan ku a  los e tiru fatal ku a kousa morto di un di e tripulantenan? 
  11. Minister ta na altura ku tratadonan internashonal ta eksigí den un kaso asina aki ku mester bin un investigashon imparsial i efektivo?

 

  1. Si resultá ku e morto di e persona ta debí na aktuashon desproporshonal di e militar/Warda Kosta Amerikano, a base di kua lei PG ta bai investigá i persiguí e Amerikano den e kaso aki?
  2. Minister no ta kere ku akinan e PG tin un konflikto di interes di promé órden?

14.Minister ta na altura ku PG dia 30 di ougùstùs a saka un komunikado di prensa indikando ku e  no ta bai hasi un investigashon penal, sin ku tabatin un investigashon imparsial den e kaso aki? (de slager keurt zijn eigen vlees)?

15.Minister por informá Parlamento si e tripulantenan di e “Go Fast” tabatin arma di kandela na nan kurpa òf si nan tabatin arma di kandela na bordo di e “Go Fast” na momentu di e tiru fatal? 

  1. Minister ta na altura ku na Hulanda, Kortenan a instruí Ministerio Públiko pa den kasonan asin’aki pone e investigashon mes ora den man di un Hues komisario imparsial?
  2. Minister ta na altura ku PG den e kaso aki a laga Landsrecherche di Kòrsou ku tambe ta kai dirèkt bou di dje, hasi un investigashon di echo i sirkunstansia di e insidente?
  3. Minister por indiká na Parlamento a base di kua outoridat Landsrecherche a hasi e investigashon?
  4. Minister por splika Parlamento si Landsrecherche tin e outoridat di por investigá un merikano ku no ta un ámtenar segun nos leinan lokal i ku ta riba un barku di Wardakosta ku militarnan Hulandes, ku tampoko ta ámtenar den nos sistema?
  5. Minister por splika Parlamento a base di kua lei Landsecherche por investigá un  Amerikano ku no ta un ámtenar den e kaso aki?
  6. For di ki dia Landsrecherche tin e outoridat di por investigá hende ku no ta ámtenar den nos sistema?
  7. Minister por informá Parlamento ku e Amerikano ku a tira hende mata a wòrdu manda Merka bèk kaba?
  8. Minister por informá Parlamento si e Amerikano i tambe esnan hulandes tin inmunidat pa lokual nan hasi den nos konteksto estatal?
  9. Minister por indiká na Parlamento ku si e Amerikano a kometé un echo kastigabel, si Kòrsou lo pidi su ekstradishon den kaso ku e no ta na Kòrsou mas?
  10. Minister por informá Parlamento si tin un tratado òf akuerdo ku Merka ken ta responsabel pa aktuashon di e Amerikano aki riba lancha di nos Warda Kosta? 
  11. Minister por indiká na Parlamento ta ken ta bai karga responsabilidat di e kaso aki. Merka, Hulanda òf Kòrsou den kaso ku resultá ku e uso di forsa aki tabata desproporshonal i kastigabel?
  12. Finalmente minister por konfirmá lokual a sali den prensa, ku ya e boto i motor tabata tur bora ku bala ora e insidente a tuma lugá i ku despues hasta a zink bai fondo?  

 

Rekordando bo persona na e obligashonnan den nos Areglo di Estado pa duna miembronan di Parlamento tur informashon rekerí i na obligashon den e protokòl firma entre Parlamento i Gobièrnu pa duna e informashon aki no mas tarda ku denter di dos (2) luna, Frakshon di MFK ta keda en espera di bo kontesta.

 

Atentamente,

 

________________

Amerigó C.M. Thodé

Miembro di Parlamento

Lider di Frakshon MFK

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: