Fo’i 1 sèptèmber Kòrsou a entrega proposishon nobo riba COHO pero pueblo no sa  niun kos.

Kòrsou su proposishon nobo riba COHO a bai kuchi kuchi.

Fo’i 1 sèptèmber Kòrsou a entrega proposishon nobo riba COHO pero pueblo no sa  niun kos.

 

Willemstad — Manera ku Partido PIN si a bisa fo’i inisio, mester renegoshá COHO pa garantisá outonomia i reforma pareu. Parse ku awor gobièrnu Pisas ta hasiendo eksaktamente esei apesar di su inklinashon inisial di sukumbí bou dje eksigensianan apsurdo manera e ta awor riba papel. Sinembargo no por ta asina si ku e mes gobièrnu Pisas ku tin boka yen di transparensia, ta manda un kontra proposishon pa sra. Van Huffelen sin informá komunidat dje kontenido i sin ni sikiera bisa mes ku a manda un kontra proposishon.

 

E buriku i e piedra

Mester ta bon kla ku pa Partido PIN, COHO den forma di un lei di reino, riba su mes no ta nesesario. Un simpel akuerdo mutuo — onderlinge regeling manera deskribí den Statuut — lo ta sufisiente. Pero si gobièrnu Pisas ku sigui kana e kaminda di COHO no por ta asina si ku ta foi boka di sra. Van Huffelen Kòrsou mester tende ki e státus dje deliberashonnan ta.

A kaso gobièrnu Pisas i e partidonan MFK i PNP no ta kòrda ku ta ku sosten di komunidat a yega na e relato krítiko di parlamento riba e proposishon di lei COHO? E gobièrnu aki no ta kòrda e ola di desaprobashon ku a lanta ora, ku sin deliberá ku niun hende, a deklará ku lo bai na rudia pa COHO paso Kòrsou solamente ta produsí datu, anglo i infrou?

 

Den un trayekto importante manera esaki ta importante pa no dal bo pia den e mes piedra dos biaha, tumando desishon sin konsulta den bo pais.

 

Dikon kuchi kuchi

Pa yuda duna klaridat den e asuntu, Partido PIN ta puntra:

  1. Kiko ta e esensia di Kòrsou su kontra proposishon ku a yega Hulanda dia 1 sèptèmber?
  2. Gobièrnu a deliberá ku e mayoria den parlamento of sikiera den un seniorenconvent riba e asuntu aki?
  3. Gobièrnu a kuminsá publiká desishonnan di konseho di minister ku ta trata asuntunan general na nivel di pais. Dikon no a bisa nada riba esaki?
  4. E kontra proposishon a keda tratá den konseho di minister promé ku ela bai Hulanda òf ta un akshon solitario atrobe di promé minister?

 

Lo ta bon pa minister presidente Pisas klara komunidat dunando kontesta riba e preguntanan aki.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: