Introdukshon klas VPO 2022-III na ORV

Djarason 7 di sèptèmber 2022 den oranan di mainta tabatin introdukshon di klas Voortgezette Politie Opleiding, (VPO 2022-III). Ta di 3 klas di VPO ku ta start na ORV den 2022. Den luna di yanuari klasnan VPO 2022-I i VPO 2022-II a start i ta den fase final. 20 studiante lo partisipá na e opleiding VPO aki ku ta na nivel di SBO-4 di enseñansa i ta dura 10 luna. Despues di un introdukshon dor di departamentu di komunikashon a sigi splikashon amplio di Hefe Interino di ‘Specialistiche Opleidingen en Leiderschapstrajecten’ (SPOLT) sr. Jowenny Troeman. Sr. Troeman a splika reglanan pa studiantenan di ORV, proseduranan, kontenido, nivel di e opleiding èskamen i terminonan final. E klas lo kuminsá ku lès djamars 13 di sèptèmber

VPO

E estudio Voortgezette Politie Opleiding pa e asina yama Senior Medewerkers di Kuerpo Polisial Kòrsou a start algun aña pasa. Esaki ta di 3 grupo opleiding di VPO ku ORV ta organisá den estrecho koperashon ku KPC. E promé gruponan di Kuerpo Polisial Kòrsou ku a pasa e VPO Opleiding a terminá na 2014 i 2021. E sistema nobo aki di enseñansa polisial a sòru pa mihó kombinashon entre e estudio di skol i trabou den práktika. Ta desaroyá kompetensianan, p’asina e polis por funshoná mihó, e Kuerpo Polisial por funshoná mihó i pa un servisio na nivel haltu na e komunidat.