BUNITA CELEBRACION DI RECONOCEMENTO NA MASSIVE BRASSBAND INTERNACIONAL Y RODERICH LOPEZ

Prome Minister Evelyn Wever-Croes: 

 

BUNITA CELEBRACION DI RECONOCEMENTO NA MASSIVE BRASSBAND INTERNACIONAL Y RODERICH LOPEZ

“Boso a mustra kico un Arubiano por ora bo ta kere den bo mes y ta traha hunto”

 

Diasabra anochi a tuma luga un bunita celebracion di reconocemento di Gobierno di Aruba organisa pa minister di cultura Xiomara Maduro na Massive Brassband Internacional y Roderich Lopez pa e presentacion na Magic Kingdom cu a pone nomber di Aruba resona internacionalmente

 

Prome Minister Evelyn Wever-Croes na e ocasion a expresa palabranan di gratitude pa loke e grupo aki a haci pa Aruba enfatisando cu mas y mas e realidad ta sink in di kico tur e grupo aki a logra cu nan pasion, soño y deseo, disciplina y trabou duro. 

 

“Boso a hiba Aruba den curason di Magic Kingdom y e reino magico y e magia ey bo ta keda sinti’e y mir’e. Mi kier un biaha mas gradici cada un di boso pa a kere den e lider di e grupo, boso no a declar’e pa loco. E no a bin cu e idea un biaha ni dos biaha, pero el a bin cu e idea y a perservera. Boso a kere den dje y duna tur di boso parti. Hopi hende na Aruba y esnan no na Aruba tabata pendiente di boso. Mes monento nos a wak e efecto cu boso tabata tin, boso a vibra Magic Kingdom cu boso musica di Asambeho. Boso a pone hopi hende eynan para keto y pensa unda Aruba ta, kico ta Aruba? Mas principal boso a mustra mundo henter kico un Arubiano por ora bo ta kere den bo mes y bo ta traha hunto pasobra hunto boso a logre. Prome Minister a expresa. 

 

Na final di su palabranan dirigi na e grupo, Prome Minsiter a gradici señor Roderich Lopez pa e soño cu e tawata tin pa pone nos pais resona bou musica di Asambeho na Magic Kingdom pone asina tambe e nomber di nos pais un biaha mas bou luz internacional. 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: