Prohibishon pa drenta lokalidatnan polisial.

KOMUNIKADO DI PRENSA 423/2022
12 sèptèmber 2022
Prohibishon pa drenta lokalidatnan polisial.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 11 di sèptèmber 2022, den oranan di anochi Tim di Maneho di Kuerpo Polisial a
duna un miembro di kuerpo, prohibishon di entrada na edifisionan di polis.
Esaki komo medida disiplinario en konekshon ku un investigashon relashoná ku
komportashon inadekuado ku a sali den medionan soshal i ku ta hasi daño na e bon nomber
di Kuerpo Polisial. Tambe ta hasiendo investigashon riba aktonan inkorekto di e miembro
aki.
Miéntras ku e investigashon ta kontinuá, e miembro aki no por ehersé su funshon den
Kuerpo Polisial.
En bista ku te ainda ta trata di un medida disiplinario i e kaso aki ta den investigashon, no
por duna mas informashon tokante di esaki.