Minister Pietersz- Janga a huramentá un Dermatólogo i dos Botikario

Minister Pietersz- Janga a huramentá un Dermatólogo i dos Botikario

Willemstad – Resientemente Minister di Salubridat, Medio Ambiente i Naturalesa drs. Dorothy Pietersz- Janga a huramentá un Dermatologo i dos Botikario. Ta trata aki di drs. Evelyn Carillo Beuses ku a huramentá komo Dermatólogo, drs. Clara de Kanter i drs. Julia Roks ku ámbos a huramentá komo Botikario.

Minister Pietersz- Janga ta enkargá ku huramentashon ofisial ku mandato di Gobernadó i señor Norbert Bernardina a keda enkargá ku e parti protokolario. Di e forma aki drs. Evelyn Carillo Beuses, drs. Clara de Kanter i drs. Julia Roks a kumpli ku eksigensianan di nos lei vigente pa nan por ehersé nan profeshon. Despues di e akto ofisial Minister Pietersz- Janga a felisitá e tres personanan ku a huramentá i a deseá nan tur klase di éksito den nan karera. Dermatólogo drs. Evelyn Carrillo Beuses ta laborá na ofisina di drs. Landaeta na Sentro Médiko Mahaai. Drs. Clara de Kanter i drs. Julia Roks ámbos ta bai laborá na Botika di CMC. Pa mas informashon i ilustrashon bishitá pagina di Facebook di Ministerio di GMN: MinistryofHealthCuracao

 

Riba potrèt drpd; drs. Clara de Kanter, drs. Julia Roks, drs. Evelyn Carillo Beuses i Minister Dorothy Pietersz- Janga despues di e akto ofisial.